Այսօր 56 տարեկան հասակում կյանքից հեռացավ Apple ընկերության հիմնադիր և նախկին ղեկավար Ստիվ Ջոբսը: 1980 թվականների միջնամասում Ջոբսը հեռացավ Apple ընկերությունից և այդ ընթացքում աշխատեց Pixar և Disney ընկերություններում: 1996 թվականին վերադարձավ ու Apple-ը դարձրեց աշխարհի առաջատար տեխնոլոգիական ընկերություններից մեկը: Ջոբսի ղեկավարման տարիներին ստեղծվեցին IPod, IPad, IPhone, IMac և Apple ընկերության այլ տարածված ապրանքանիշերը: Ջոբսի հեռանալով աշխարհը կորցրեց տեխնոլոգիական ոլորտի հրաշագործներից մեկին: Ջոբսի մասին Ֆեյսբուքի հիմնադիր Մարկ Ցուկերբերգը իր ստատուսում. գրել է. "Ստիվ, շնորհակալ եմ, որ եղել ես լավ ուսուցիչ և ընկեր: Շնորհակալ եմ, որ մեզ սովորեցրել ես, որ այն ինչ դու ստեղծես, կարող է փոխել աշխարհը: Ես կկարոտեմ քեզ":